फक्त तुझ्याचसाठी....

आज मला पुन्हा जगायचंय...
आनंदाने बागडायचंय,
पावसात चिंब भिजायचंय,
तुझ्या आठवणीत रमायचंय!
हो, मला आता पुन्हा जगायचंय!!

तूच दिलीस मज नवी आशा,
नवी पालवी, नवी दिशा...
ह्या अस्तित्वाला नवे रूप,
अन आपल्या नात्याला नवे स्वरूप!
तुझ्या सहवासात, स्वतःला विसरायचंय...
हो, मला आता पुन्हा जगायचंय!!

तालास सूर मिळता,
संगीत जसे खुलावे...
तुज साथ माझी मिळता,
जीवन तसे खुलावे!
तुझ्याच सुखासाठी सर्वस्व वहायचंय...
हो, मला आता पुन्हा जगायचंय!!

तुझ्या दुखांना हरवायचंय...
तुझ्या स्वप्नांना सजवायचंय...
तुझ्या स्पर्शाने शहारायचंय...
तुझ्या प्रेमात विरून जायचंय...
तुझ्याचसाठी जगायचंय....
फक्त तुझ्याचसाठी!!!!